記得每次去日本旅行，我都會瘋狂食牛，特別係吉列牛，就算幾攰都要排隊食。之前聽朋友講Steak Bar嘅吉列牛好有水準，終於決定約我嘅🐮牛魔王朋友一齊去試。#sohappy💛💟
.
我哋今次揀咗下午茶時段去食，貪佢少啲人唔洗等位。職員好用心介紹餐廳食物，服務好好，我哋叫咗吉列炸牛扒定食同頂級板腱牛扒定食，好邪惡嘅一餐，但食完真係好滿足😌
.
🐮吉列炸牛扒定食 $188
吉列牛表面炸到好香脆，切開大約十多件俾你自己再板燒黎食，由於我唔鍾意食全熟，只係略燒兩邊就食，肉質較嫩滑，如果鍾意熟可以燒耐少少。燒完可以加少少鹽或燒肉汁食，我自己就鍾意加鹽，配埋加咗日本飯素嘅白飯，味道一流。
.
🐮頂級板腱牛扒定食 $195
板腱牛扒超厚切，見到都流晒口水，由於板腱牛扒中間會有條筋，職員建議食5成熟，啱晒唔鍾意食熟牛扒嘅我。板腱牛扒好有咬口，肉味香濃，鍾意食牛嘅人一定鍾意。
.
Steak Bar
地址：銅鑼灣登龍街36-48號登輝大廈地下B號舖
電話：2674 7688
.
Steak Bar
#steakbar #吉列牛 #牛扒 #日式牛扒店 #板燒吉列牛 #牛魔王
Search